Mentrau Cymdeithasol Cydweithredol

Beth ydyn nhw?

Mae Mentrau Cymdeithasol Cydweithredol yn fusnesau sydd ag amcanion cymdeithasol neu amgylcheddol, a sefydlir i ddarparu gwasanaeth i gymuned leol. Fe’u gelwir weithiau’n Fentrau Cymunedol Cydweithredol, Mentrau Cymunedol neu Busnesau Cymunedol, a defnyddiant egwyddorion cydweithredol i arwain ei strwythurau a’u gweithgareddau. Mae unrhwy elw yn cael ei ail fuddsoddi er mwyn hyrwyddo yr amcanion cymdeithasol neu amgylcheddol.

Rhai enghreifftiau

• Meithrinfa ar gyfer ystâd o dai lle mae nifer o deuluoedd un rhiant yn byw, fel y gall rhieni ddod o hyd i waith
• siop bentref a swyddfa bost ar gyfer cymuned wledig, filltiroedd i ffwrdd o’r siop fasnachol agosaf
• canolfan gymunedol sy’n cynnig amryw o wahanol wasanaethau i’w chymuned leol, gan gynnwys clybiau ieuenctid, ystafelloedd cyfarfod a chaffi

Rydym hefyd wedi cynorthwyo i sefydlu mentrau bwyd cydweithredol, cynlluniau cludiant cymunedol, cwmnïau cymdeithasol, ymddiriedolaethau tir cymunedol, ymddiriedolaethau datblygu a llu o fentrau cymunedol cydweithredol eraill.

Sut y gallwn ni helpu?

Mae tîm Swyddogion Datblygu Canolfan Cydweithredol Cymru yn gallu helpu grwpiau cymunedol trwy bob cam o sefydlu menter gydweithredol. Mae’r gefnogaeth a ddarperir yn cynnwys:

• Cyngor ar gyllido a chynaliadwyedd
• Asesu beth y mae’r gymuned ei hangen
• Cynllunio gwasanaeth i ddiwallu’r anghenion hynny
• Sefydlu pa mor boblogaidd fydd y gwasanaeth
• Trefnu strwythur cyfreithiol a chofrestru’r fenter gydweithredol fel cwmni cyfyngedig trwy warant, cymdeithas ddiwydiannol a darbodus neu gwmni buddiant cymunedol
• Gweithio allan pa adnoddau fydd eu hangen i ddarparu’r gwasanaeth
• Cynllunio faint o bobl fydd ei hangen i redeg y gwasanaeth a darparu hyfforddiant ar gyfer y fenter gymdeithasol
• Cymorth gyda llunio cynllun busnes
• Cymorth gyda llunio cynllun marchnata

 

---

---

---

Islwytho